ສປປລາວມີຜູ່ຕິດເຊື້ອພະຍາດໄຂ້ຍຸງລາຍເພີ່ມຂື້ນຫຼາຍຄົນ

ອີງຕາມການໃຫ້ຂໍ້ມູນຂອງສູນຂ່າວສານການແພດສຸຂະສຶກສາ ໄດ້ໃຫ້ຮູ້ວ່າ: ນັບແຕ່ວັນທີ 28 ທັນວາ 2019-7 ພຶດສະພາ 2020 ມີຜູ້ຕິດເຊື້ອໄຂ້ຍຸງລາຍແລ້ວ 1.033 ກໍລະນີ ແລະ ເສຍຊີວິດ 01 ກໍລະນີ ໃນນັ້ນ ນະຄອນຫຼວງວຽງຈັນພົບຜູ້ຕິດເຊື້ອໄຂ້ຍຸງລາຍຫຼາຍກວ່າໝູ່ ມີ 309 ກໍລະນີ ແລະ ເສຍຊີວິດ 1 ຄົນ ຮອງລົງມາແມ່ນ ແຂວງອັດຕະປື 159 ກໍລະນີ ວຽງຈັນ 123 ກໍລະນີ ຄຳມ່ວນ 76 ກໍລະນີ ບໍລິຄຳໄຊ 74 ກໍລະນີ (ປັດຈຸບັນ ໄດ້ກ້າວເຂົ້າສູ່ລະດູຝົນ ຈຶ່ງກໍ່ໃຫ້ເກີດມີຄວາມສ່ຽງການລະບາດພະຍາດໄຂ້ຍຸງລາຍ ຫຼື ໄຂ້ເລືອດອອກ ເພື່ອເປັນການປ້ອງກັນແຕ່ຫົວທີ

ທຸກຄົນຕ້ອງຊ່ວຍກັນເອົາໃຈໃສ່ປະຕິບັດຫຼັກການ 5 ປ ເປັນປະຈຳທຸກໆອາທິດ ເພື່ອຕັດວົງຈອນໜອນນໍ້າຍຸງລາຍ ບໍ່ມີຍຸງລາຍກໍຈະບໍ່ມີໄຂ້ເລືອດອອກ) ສາລະວັນ 72 ກໍລະນີ ສະຫວັນນະເຂດ 59 ກໍລະນີ ໄຊຍະບູລີ 46 ກໍລະນີ ເຊກອງ 41 ກໍລະນີ ຫຼວງນໍ້າທາ 28 ກໍລະນີ ອຸດົມໄຊ 21 ກໍລະນີ ຈຳປາສັກ ແລະ ໄຊສົມບູນ ແຂວງລະ 7 ກໍລະນີ ຜົ້ງສາລີ 5 ກໍລະນີ ແລະ ຫຼວງພະບາງ 6 ກໍລະນີ ເຊິ່ງຈໍານວນແຂວງເຫຼົ່ານີ້ ແມ່ນຍັງບໍ່ມີກໍລະນີເສຍຊີວິດ ສໍາລັບແຂວງຊຽງຂວາງ ບໍ່ແກ້ວ ແລະ ຫົວພັນ ແມ່ນຍັງບໍ່ພົບກໍລະນີຜູ້ຕິດເຊື້ອໄຂ້ຍຸງລາຍດັ່ງກ່າວ.